Kerke help om alkoholprobleem in Moldawië te beheer
In Februarie 2011 het die Wêreldgesondheidsorganisasie Moldawië as die wêreld se voorste nasie in alkoholverbruik per persoon genoem, berig Mission Network News. Verslae toon dat die gemiddelde Moldawiër jaarliks 18,22 liter alkohol verbruik—drie keer meer as die gemiddelde van 6,1 liter. Ander voormalige Sowjet-nasies op die lys van swaar alkoholverbruik sluit Rusland, Oekraïne, Estland en Wit-Rusland in. In Moldawië is daar 'n spesiale voorsiening in die regeringsbegroting vir die behandeling van alkohol, maar daardie regeringsvoorsiening is nie genoeg nie en kerke tree vorentoe om ook alkoholmisbruikers te help. Slavic Gospel Association berig dat sy geaffilieerde evangeliese kerke diep bedroef is oor die vlak van alkoholmisbruik in hul gemeenskappe. In reaksie op die krisis het baie SGA-kerke Bybelgebaseerde dwelm- en alkoholrehabilitasiebedieninge begin, wat SGA-vennote help ondersteun wanneer moontlik. Hierdie programme verskaf nie net sorg om die verslawing te oorkom nie, maar hulle verskaf ook die lewensveranderende Waarheid van die Evangelieboodskap.
Bid: dat die werk van die Kerkprogramme 'n beduidende effek sal hê onder diegene in nood. (Ro.12:21)