Geopende Deure nooi Christene regoor die wêreld om hul posisie in te neem en op 15 April 2012 vir Noord-Korea te bid en vas.

Die afgestorwe leier Kim Jong-Il het sy burgers belowe dat Noord-Korea in 2012 ’n sterk en welvarende nasie sal wees, maar sy seun, Kim Jong-Un, het ’n land geërf waar tussen twee en drie miljoen mense van honger gesterf het. Die meeste Noord-Koreane is chronies ondervoed, werkloos en leef kilometers onder die armoedegrens. Die samelewing word deur vrees aangegryp. Die polisie het oral informante en huisaanvalle is nie ongewoon nie. Meer as 1% van die totale bevolking woon in Nazi-agtige arbeidskampe, onder hulle is baie Christene.

As gevolg van hierdie grusame onreg doen Geopende Deure 'n beroep op Christene wêreldwyd om deel te neem aan 'n wêreldwye dag van gebed en vas op Kim Il-Sung se verjaardag, 15 April. Volgens die Amerikaanse departement van buitelandse sake het Noord-Korea een van die grootste leërs ter wêreld . Sy aktiewe diens militêre mag word geskat op 1,2 miljoen. “Maar as God se kinders is ons deel van Sy leër en Sy leër is verreweg enige mag op aarde in getal,” sê Geopende Deure. “Die Here het ons 'n uiters doeltreffende wapen gegee in die stryd teen die magte van geestelike duisternis – gebed. So op 15 April wil ons graag namens ons broers en susters in Noord-Korea veg deur te vas en hulle in gebed op te hef en die Here te vra om in hierdie nasie in te gryp.”