Ons gebede is uiters kragtig! Astrofisikus Hugh Ross sê: "Gebed is die kragtigste kapasiteit wat God aan ons gegee het." Laat ons hierdie maand ons gebede verenig en in geloof saamstem vir die volgende "Top Gebedsuitdagings". Deel dit asseblief met julle gebedsgroepe en mede-bidders en kom ons glo God saam vir deurbraak op die volgende gebiede:

1. Radikale Islam - In baie gebiede van die wêreld lyk dit of radikale Islam metastasiseer soos 'n lelike, bose kanker. Bid dat Moslems hul oë sal oopmaak en die onderdrukkende, vernietigende aard van hierdie godsdiens sal sien en om daarvan af te draai na Isa Al Masih, die Here Jesus Christus. Bid dat die internasionale gemeenskap tot ooreenkoms sal kom oor 'n wêreldwye strategie om Islamitiese radikale en terroriste te verslaan en om doeltreffende aksie te neem beide militêr en polities om ons wêreld van hierdie plaag te bevry. Soos wat voorbidders in gebed verenig het en regerings verenigde aksie geneem het, het ons die ondergang van ander ideologieë en bewegings van die verlede soos Naziisme en kommunisme gesien.
2. Siriese en Irakse vlugtelinge - baie miljoene mense, insluitend Christene, se lewens is ontwrig deur die Siriese burgeroorlog en die aggressiewe verowering van hul lande deur die Islamitiese Staat. Bid dat die IS verslaan en verdryf sal word en vir 'n einde aan burgeroorlog in Sirië sodat hierdie vlugtelinge na hul huise kan terugkeer en hul lewens kan herbou. Bid vir die voorsiening van voedsel en ander behoeftes wat hulle het, hetsy in die vlugtelingkampe of waar hulle hulself ook al bevind. Bid ook dat hulle te midde van hul ontwrigting van Jesus, die verlosser, sal hoor en oop sal wees om Hom as Here en Verlosser te ontvang.
3. Taliban in Pakistan en Afghanistan – noudat die koalisiemagte grootliks uit Afghanistan vertrek het, behalwe vir ongeveer 14 000 soldate wat agtergebly het, bid vir die regering en weermag daar en in Pakistan om die Taliban-militante sterk te konfronteer en te seëvier. Mag die Taliban en hul leierskap versplinter en hul Islamities-geïnspireerde opstand prysgee sodat beide lande bevry kan word van die verskriklike geweld en terrorisme van die afgelope jare.
4. Oekraïne en die rebelle-inisiatief - gevegte het onlangs weer in die ooste van die Oekraïne begin. Bid dat die vredesgesprekke tussen die Oekraïense regering en die pro-Russiese separatiste goed sal verloop en dat hierdie konflik vir goed opgelos en beëindig sal word.
5. Iran en die kernprogram-onderhandelinge - een van die grootste gevare vir die Midde-Ooste en inderdaad die res van die wêreld sou wees dat die Iraniërs hul baie gekoesterde plan om 'n kernwapen te bou, voltooi. Hulle sal waarskynlik nie huiwer om dit teen Israel en ander nasies te gebruik nie. Bid asseblief dat die huidige onderhandelinge goed sal verloop, dat die internasionale gemeenskap sterk sal wees, nuwe sanksies sal aanvaar indien nodig en dat die Iraniërs hul kernambisies sal prysgee. Bid dat president Obama en ander politieke leiers in die Weste die bedreiging sal erken en nie sal padgee vir gesindhede en optrede van paai
6. Israel, sy bure en die nasionale verkiesing- bid vir die veiligheid en beskerming van Israel en op een of ander manier vir verbeterde verhoudings met die omliggende Arabiese nasies, sowel as met Turkye en Iran. Bid dat premier Netanyahu God se wysheid sal hê om die nasie vorentoe te lei en vir pogings van buite om in te meng met die nasionale verkiesing soos "Victory 2015" (gesteun deur 'n linkse VSA-VK-groep genaamd "One Voice" en saamgestel uit die voormalige Obama-veldtog aktiviste) om gefrustreerd en omvergewerp te word.
7. Armeens-Turkse versoening- 24 April is die 100ste herdenking van die Armeense volksmoord in die hande van die Turke. Christene aan beide kante werk tans daaraan om gedurende hierdie jaar versoeningsbyeenkomste te hou om vergifnis te vra en om saam te bid vir die welstand van hierdie mense. Bid asseblief vir kragtige identifiserende bekering en versoening wat God sal gebruik om genesing van verhoudings en openheid vir die Evangelie te bring deur die Moslem-Turke, een van die grootste meestal onbereikte mense op aarde.

John Robb, IPC-voorsitter