Iran het al 'n geruime tyd die berugte reputasie dat dit een van die gevaarlikste lande is om 'n Christen te wees. Christenskap skiet egter wortel in 'n voortdurende herlewing vir Jesus. Honderde Iraniërs sowel as Afgane is in November gedoop. Daar word gedink dat daar twintig jaar gelede 2 000-5 000 Christen-gelowiges in Iran was: daardie getal het sedertdien meer as tienvoudig gegroei. Ten minste 300 000-400 000 voormalige Moslems leef nou nuwe lewens in Christus. TBN Nejat TV, 'n uitsaaibediening, het ook verstommende oeste gesien. Sedert die bekendstelling daarvan in 2006, het soveel as vyf miljoen Iranse Moslems 'n nuwe lewe in Christus begin as gevolg van die netwerk. TBN berig dat dit gehelp het om meer as 90 ondergrondse kerke in Iran, Afghanistan, Koerdistan en ander Farsi-sprekende gebiede te stig en te dissipel.