Libanon se regerende party vra Moslems om Christene te beskerm
Die hoof van 'n Soennitiese politieke beweging in Libanon het kommer uitgespreek oor die agteruitgang van Christene in die streek na bewering as gevolg van groeiende Sjiïtiese invloed. Ahmad Hariri, sekretaris-generaal van die Libanese Toekomsbeweging, het Moslems in Libanon aangemoedig om 'Christelike teenwoordigheid te koester' in die streek, en gesê dit is 'n 'Arabiese en Islamitiese verantwoordelikheid soveel as wat dit 'n Christelike een is'. Volgens The Jerusalem Post is Hariri uiters bekommerd oor die reperkussies van Christelike emigrasie uit sommige lande in die Midde-Ooste. Terwyl Christene vroeër 'n meerderheid in Libanon was, het die land onlangs 'n afname beleef as gevolg van emigrasie en die toename in Moslems. Greg Mussleman, van die Christelike voorspraakgroep Voice of the Martyrs, het gesê die aankondiging is goed vir Christene in die Midde-Ooste. 'Of ons dit sal sien versprei na ander lande soos Irak en Afghanistan? Dit mag nooit gebeur nie,” het hy gesê.
Prys: God en bid dat Christene in Libanon sterker sal wees in hul geloof, die begeerte sal hê om te groei en meer uitgesproke sal wees oor hul geloof. (Hand.4:29