Middle East Concern (LUR) versoek gebed oor 'n regsaak na die moorde op drie Christene (Necati Aydin, Ugur Yuksel en Tilmann Geske) by die Zirve Christian Publishing House in Oos-Turkye in 2007. Vyf mans is op die toneel in hegtenis geneem en aangekla van die moord. Hul verhoor het ingewikkeld geraak weens pogings om diegene agter die oortreders te identifiseer. By die verhoor op 16 Desember 2011 is geen uitsprake gemaak nie, teenstrydig met verwagtinge. 'n Getuie het egter getuig dat hy kennis gehad het van 'n komplot om die uitgewery se personeel te vermoor en het die owerhede 'n week voor die aanval ingelig. Die volgende verhoor is geskeduleer vir 17 Februarie 2012. Volgens Turkse wetgewing sal die beskuldigdes vrygespreek word indien nie formeel skuldig bevind en binne vyf jaar gevonnis word nie. Vertragings na April 2012 kan daartoe lei dat die oortreders vrygelaat word. Bid asseblief dat familielede en vriende van die slagoffers aanhou om die vrede van Jesus te ken terwyl die verhoorproses voortduur, vir geregtigheid en dat die oortreders geïdentifiseer kan word.

Bid: vir almal wat betrokke is om te weet wat die Gees bemagtig, toerus en bystaan terwyl hulle volhard om geregtigheid te bevorder. Bid ook vir betrokke regters, amptenare, prokureurs en joernaliste om die evangelie van Jesus te hoor. (Mt.6:10)

Meer: www.meconcern.org