Dit is twee maande sedert Suid-Soedan se vreedsame afskeiding van die Noorde ná dekades van burgeroorlog, maar geweld in die grensstreke het sedert Mei opgevlam. In 'n skeuring wat steeds nie duidelikheid het oor grensafbakenings en die verdeling van hulpbronne nie, het verskeie verslae toenemende spanning uiteengesit wat talle mense doodgemaak het en tienduisende gedwing het om hul huise te verlaat. ’n Verslag deur die International Crisis Group (ICG) sê die gebrek aan politieke inklusiwiteit en die hardhandige benadering van president Omar al-Bashir se regerende Nasionale Kongresparty om rebelle en onenigheid te verpletter kan lei tot ’n burgeroorlog en die hele streek destabiliseer. Die dinkskrum sê konflik is besig om buite beheer te raak ná Soedan se pogings om die noordelike tak van die Soedan People's Liberation Movement wat jare lank teen Khartoem vir outonomie met die Suide geveg het, met geweld te ontwapen en te ontbind. Soedan se weiering om troepe uit die betwiste Abyei-streek te trek en na gemarginaliseerde mense in oostelike state en westelike Darfoer te luister, kan tot massa-onrus lei.

Bid: dat opponerende groepe in staat sal wees om oor politieke en ekonomiese verskille te kommunikeer. (Ef.4:3)

Meer: http://www.irinnews.org/report.aspx?reportid=93874