Die aartsbiskop van die Anglikaanse kerk van Rwanda, Onesphore Rwaje, het godsdiensleiers daaraan herinner om hul kerke as heilige plekke van aanbidding te behandel en nie selfverrykende sakeondernemings nie. Terwyl hy meer as 50 godsdiensleiers by die Demokrasie- en Vredesweek-dialoog toegespreek het, het Rwaje gesê dat sommige lede van die publiek wegbly om kerk toe te gaan weens teleurstelling oor boodskappe wat oorgedra is. 'Godsdienstige leierskap is 'n roeping van God en dit gaan daaroor om die Woord van God te leer, en nie om geld van die gelowiges te soek nie. Daar is Bybelse beginsels wat kerkgangers aanspoor om offergawes en tiendes te gee, maar dit moet nie as 'n platform gebruik word om geld uit gelowiges te druk nie,' het Rwaje aangeraai. Hy het bygevoeg: 'Godsdienstige leiers word toegelaat om hul persoonlike sakeondernemings te hê behalwe om hul kerklike pligte uit te voer; daarom moet hulle getrou optree en God behaag deur die twee posisies onafhanklik van mekaar te hou. Hulle moet God se werk van hulle persoonlike werk skei'.

Bid: vir die leiers van die Kerk dat hulle sal konsentreer op die bou van God se koninkryk en nie op dinge van die wêreld nie. (Ef.5:5)

Meer: http://allafrica.com/stories/201209211016.html