’n Skare van byna vierduisend Moslems het Koptiese huise in Soul, Atfif in die Helwan-goewerneur aangeval en die Kerk van St Mina en St George aan die brand gesteek. Volgens 'n storie deur Mary Abdelmassih vir die Assiriese Internasionale Nuusagentskap (AINA), is daar teenstrydige berigte oor die verblyfplek van die kerkleraar, Vader Yosha, en drie diakens wat by die kerk was. Sommige sê hulle het in die vuur gesterf en ander glo dat hulle deur die Moslems in die kerk gevange gehou word. AINA het gesê getuies rapporteer dat die gepeupel die brandweer verhinder het om die dorpie binne te gaan. Die weermag, wat sewe kilometer verder gestasioneer is, het aanvanklik geweier om Soul in te gaan. Toe die weermag uiteindelik drie tenks na die dorpie stuur, het Moslem-ouderlinge hulle weggestuur en gesê dat alles 'nou in orde' is. Volgens AINA is 'n aandklokreël op die 12 000 Christene in die dorp ingestel.

Bid: vir die Kerk wat hierdie spesifieke vervolging in die gesig staar na die onlangse probleme in Egipte. (Ps.5:11)

Meer: http://www.aina.org/news/20110304222016.htm