Die Sjinese regering en die Katolieke Kerk was lank reeds in stryd oor die ordening van nuwe biskoppe. Die staatsgeadministreerde Katolieke Kerk in China ignoreer dikwels Vatikaan se gesag en orden nuwe biskoppe sonder toestemming. Priesters wat hulle uitspreek teen die ordinasies wat deur die regering aangehits is, word gearresteer of gedwing om opleidingsklasse by te woon totdat hul sienings die regering se amptelike standpunt beter weerspieël. Verlede Vrydag het biskoppe 'n waarskuwing van die Vatikaan trotseer en die ordening deur Chinese amptenare van 'n nuwe biskop vir die Harbin-bisdom bygewoon sonder goedkeuring van die Heilige Stoel. Biskop Joseph Yue Fusheng, 'n vise-president van die regering gesteunde Patriotiese Vereniging, is georden. Vyf deur die Vatikaan goedgekeurde biskoppe het dit bygewoon. Kort ná die diens het die polisie drie priesters vrygelaat wat net voor die onwettige ordening gearresteer is omdat hulle die ordening teëgestaan het, net soos baie van die gelowiges in Harbin.

Bid: vir beskerming oor God se uitverkore leiers, en mag hulle al die gesag wat die Here aan hulle gegee het erken en bemagtig word wanneer hulle Hom en die nasie dien. (Mat.28:18,19a)

Meer: http://www.catholicculture.org/news/headlines/index.cfm?storyid=14847