'n Hof in hoofsaaklik Boeddhistiese Bhoetan het Prem Singh Gurung, 'n 40-jarige etniese Nepalese Christen, tot drie jaar tronkstraf gevonnis vir 'poging om burgerlike onrus te bevorder' deur rolprente oor Christenskap te vertoon. Gurung is in hegtenis geneem nadat bure gekla het dat hy dorpenaars nooi om na Nepalese flieks te kyk, en tussen elke rolprent het hy films oor Christenskap gewys. Regeringsprokureurs kon nie bewys dat Gurung burgerlike onrus bevorder het nie, daarom is hy aangekla van 'n poging om burgerlike onrus te bevorder, en oortreding van 'n Bhoetan-wet wat vereis dat owerhede alle rolprente moet ondersoek voor openbare vertoning. Terwyl Gurung die reg het om te appelleer, is dit onduidelik of hy die hulpbronne gehad het om daardie kursus te volg. Meer as 75 persent van die mense in Bhoetan is Boeddhiste. In die suide van Bhoetan is daar 6 000 Bhoetanese Christene. In hierdie landgeslote nasie tussen Indië en China word Christene nie amptelik erken nie. Geen Christelike instelling is amptelik geregistreer nie en gelowiges beoefen hul geloof in hul huise.

Bid: dat Christene en huiskerke versterk sal word en dat Christelike materiaal deur die medianetwerke beskikbaar sal wees. (Ps.18:6)

Meer: http://www.compassdirect.org/english/country/12469/27133/