President Cristina Kirchner waarsku teen 'ernstige risiko's vir internasionale veiligheid' en het Brittanje daarvan beskuldig dat hulle die Suid-Atlantiese Oseaan 'militariseer'. Sy sê haar voorneme is om oorlog oor natuurlike hulpbronne van die Falkland te voorkom deur haar klagte na die Verenigde Nasies te neem. Die president het Woensdag by die presidensiële paleis in Buenos Aires gepraat voor 'n groot kaart van die Falkland-eilande wat in die blou en wit kleure van die Argentynse vlag geverf is. Die aankondiging het gepoog om die dispuut te internasionaliseer en druk op Londen te verhoog om soewereiniteit te bespreek. Brittanje het die vernietiger HMS Dauntless gestuur en beweer dat die ontplooiing roetine is, te midde van toenemende spanning. Albei kante het die ander daarvan beskuldig dat hulle die aandag van binnelandse ekonomiese ellende probeer aflei. Argentinië maak beswaar teen Britse olieboor in Falkland-waters. Twee weke gelede het Argentinië se amptelike nuusagentskap, Telam, ’n Malvinas-bladsy begin met banierprente van Argentynse straaljagters, helikopters, tenks en soldate.

Bid: dat hierdie woordestryd nie sal eskaleer nie. (Ps.16:1)

Meer: http://www.guardian.co.uk/world/2012/feb/08/argentina-falklands-un-cristina-kirchner?newsfeed=true