Tot nou toe was firmas soos Facebook, Tiktok, YouTube, Snapchat en Twitter grootliks selfregulerend. Nuwe magte sal aan Ofcom gegee word om sulke firmas te dwing om op te tree oor skadelike inhoud. Maatskappye het hul eie reëls oor die verwydering van onaanvaarbare inhoud verdedig, maar kritici sê onafhanklike reëls is nodig om mense veilig te hou. Dit is onduidelik watter strawwe Ofcom sal kan toepas om geweld, kuberafknouery en kindermishandeling te teiken, aangesien hulle tegnologiefirmas verantwoordelik maak om mense teen sulke inhoud te beskerm. Bid vir wyse optrede om te verseker dat inhoud vinnig verwyder word. Daar is ook toenemende bewyse dat internetgebruik geestesgesondheid kan benadeel, maar navorsing ontbreek steeds. In Januarie het vooraanstaande Britse psigiaters gesê dat tegnologiemaatskappye verplig moet word om data te deel en belasting te betaal om navorsing te finansier oor die risiko's en voordele van sosiale media-gebruik op kinders se geestesgesondheid. Sien