Die voormalige Premierliga-sokkerspeler Linvoy Primus glo kerke kan sokker gebruik om uit te reik na hul gemeenskappe net soos hulle gedoen het toe die eerste spanne en ligas in die 1800's gevorm is. Baie bekende klubs het hul wortels in kerke, soos Aston Villa, Everton en Southampton. Toe hy hierdie week by die Christian Resources Exhibition (CRE) in Esher, Surrey, gepraat het, het Primus sy persoonlike verhaal vertel van hoe hy roem en geld deur sokker gevind het, maar steeds gevoel het dat iets ontbreek. Hy het kerke aangemoedig om meer by sokker betrokke te raak omdat mense rondom sport saamkom, veral jong mans. "As ons ons gemeenskappe wil bereik, moet ons dit doen met 'n agenda wat in 'n behoefte in die gemeenskap voorsien," het hy verduidelik. Primus gebruik die pragtige speletjie om jongmense te bereik deur die liefdadigheid wat hy ondersteun, Faith and Football. Die liefdadigheidsorganisasie gebruik sokker as 'n platform om verhoudings te bou en jongmense van positiewe rolmodelle te voorsien.

Bid: vir die liefdadigheid Faith and Football dat hulle die Evangelieboodskap deur sokker sal uitbrei. (Jes.55:11)

Meer: http://www.christiantoday.com/article/using.the.beautiful.game.for.gods.purposes/32548.htm