Britse mense het aansienlik minder integriteit as tien jaar gelede, en dit loop die risiko om burgerlike ingesteldheid te benadeel, beweer nuwe navorsing. Owerspel, leuens en minderjarige seks het almal meer aanvaarbaar geword, volgens die bevindinge wat deur professor Paul Whiteley gepubliseer is. Hy blameer die slegte voorbeelde wat gestel is deur sokkerspelers wat hul vrouens verneuk, die telefooninbraakskandaal en onduidelike finansiële transaksies. En, sê hy, die implikasies kan groot vir die samelewing wees. Die bevindinge toon dat mense met hoë vlakke van integriteit geneig is om 'n sterk gevoel van burgerlike plig te hê. Die Essex-sentrum vir die studie van integriteit is gestig om die kwessie te ontleed. Professor Paul Whiteley is die sentrum se direkteur. Hy het gesê: “As sosiale kapitaal laag is en mense agterdogtig is en nie saamwerk nie, het daardie gemeenskappe swakker gesondheid, swakker opvoedkundige prestasie, hulle is minder gelukkig en hulle is minder ekonomies ontwikkel en entrepreneuries. Dit het werklik ’n diepgaande uitwerking.”

Bid: vir 'n terugkeer na die onveranderlike Bybelse waarhede van moraliteit en integriteit. (Ps.25:21)

Meer: http://www.christian.org.uk/news/people-have-less-integrity-and-it-is-harming-society/