Christene in Japan vra die wêreld vir een miljoen ure se gebed vir hul nasie gedurende die Olimpiese en Paralimpiese Spele in Tokio. International Prayer Connect werk saam met hulle om hierdie boodskap uit te kry en nooi jou om asseblief te bid oor hoe jy dalk kan deelneem – deur ten minste een uur te belowe.

Die Japan International Sports Partnership (JiSP) doen 'n beroep op kerke, individue en gesinne regoor die wêreld om te verenig in gebed vir Japan, aangesien hul land vanaf Vrydag 23 Julie die middelpunt is.

Pastoor Keishi Ikeda wat JiSP in hierdie beweging lei, word gedryf deur 'n visie om die Japanese Kerk te sien groei tot 10 miljoen mense teen 2024. “Stel jou voor tien miljoen Christene in Japan...Dit sal Japan verander. En nie net Japan nie, ons kan spanne van Japan na ander lande stuur waar baie nie in kan kom nie, aangesien ons paspoort kragtig is. Dit is 'n golf; ons moet dit ry,” het Ikeda gesê.

Die huidige realiteit is dat die Japannese mense die wêreld se tweede grootste onbereikte mensegroep is. Kerkbywoning is rondom 4 in 1000 – met net een wat manlik is. Niks minder as 'n wonderwerk sal Japan wakker maak nie. Ons dien die God wat wonderwerke belowe het. Ons glo 'n ontwaking kom.

Edwin Orr, die groot geleerde oor herlewings, het gesê: “Wanneer daar 'n ontwaking is, is daar bewyse van drie dinge. Mense wat "in eendrag" bymekaarkom, mense wat die Goeie Nuus hoor in hul eie "harttaal" en 'n diep, voortdurende passie en toewyding tot gebed.

Terwyl Japan hierdie Olimpiese Spele in die kollig tree, doen Christene in Japan 'n beroep op hul globale broers en susters om in te skryf vir ten minste een uur se gebed.

Die Olimpiese en Paralimpiese Spele sal vir 30 dae duur. As 3 000 Kerke wêreldwyd 10 mense van hul kerk daartoe verbind het om een uur oor hierdie 30 dae te bid, sou ons 900 000 ure bereik – baie naby aan ons doelwit!

Japannese Christene soos Pastoor Keishi is bereid om enigiets te doen om te sien dat hul land geestelik lewendig word met 10 miljoen gelowiges teen 2024. Dit gaan nie net daaroor om 'n Olimpiese Spele aan te bied nie.

Pastoor Keishi het gesê: “Ons het gehoop om 'n miljoen mense te bereik tydens ons Olimpiese uitreik. Met Covid was dit nie moontlik nie. Kan ons daardie droom verander in 'n miljoen ure se gebede van beide die Japannese Kerk en van regoor die wêreld? Wat 'n geskenk aan Japan van die wêreldkerk - 'n miljoen ure se gebed vir God se eer om op ons land te val.”

Meer inligting en Registreer om te bid op die webwerf by: https://www.japan1million.com/   Elkeen van die 30 dae van die Spele sal jy e-pos gebedspunte ontvang wat fokus op Japan, die Olimpiese Spele en Paralimpiese Spele.