Die jongste gruweldaad is glo in weerwraak op 'n voorval toe dorpenaars twee weke gelede 'n Boko Haram-aanval beveg het.

Die aanval op burgerlikes is die dodelikste in die streek tot dusver vanjaar.

Elf ander mense is Saterdag tydens die middagaanval in Budu naby Maiduguri gewond, volgens Muhammad Bulama, raadsvoorsitter van die Nganzai plaaslike regeringsgebied.

Bunu Bukar, sekretaris van die selfverdedigingsgroep Borno Jagtersvereniging, het gesê die ekstremiste was op motorfietse en het op dorpenaars losgebrand.

Hy het bygevoeg dat sy kollegas byna twee dosyn liggame teruggevind het.

Mnr Bulama het gesê die gruweldaad was weerwraak op 'n voorval toe dorpenaars twee weke gelede 'n Boko Haram-aanval in die gebied beveg het.

Verlede week het Nigeriërs die 10de herdenking gevier van die Boko Haram-opstand wat tienduisende mense doodgemaak het, miljoene ontheem het en een van die wêreld se grootste humanitêre krisisse geskep het.

Die ekstremiste het massa-ontvoerings van skoolmeisies uitgevoer en jong vroue en mans in selfmoordbaadjies ontplooi om markte, moskees en ander hoogbevolkte gebiede aan te val.

Hulle doel is om streng Islamitiese heerskappy in die streek af te dwing.

Boko Haram het hul aanvalle uitgebrei en gruweldade in die naburige Tsjad, Niger en Kameroen uitgevoer.

Verslaggewing deur Sky News

Meer by: https://news.sky.com/story/more-than-60-dead-as-boko-haram-extremists-target-funeral-in-nigeria-11772643

Bid: Dat die weermag en intelligensiedienste hierdie militante sal uitroei en voor die gereg bring.

Bid: Vir die slagoffers en hul gesinne – vir genesing en vertroosting in hul hartseer.

Bid: Vir 'n einde aan hierdie voortdurende veldtog deur Boko Haram.