Afghanistan: Bid vir hoop en 'n toekoms vir kinders van klein Christelike minderheid

Die Amerikaanse dinkskrum Jamestown het op 2 Junie 2018 berig oor die Taliban se maandlange lenteveldtog , waarin hy die Taliban se sterk vermoë beskryf het om verwoesting te skep en bestand te wees teen alle pogings om hul magsbasis te breek. ’n UNICEF-landverslag wat in Mei 2018 gepubliseer is, wys wat dit vir burgerlikes beteken, veral vir kinders: 44% van alle kinders in die ouderdom tussen 7 en 17 woon nie skool by nie, waarvan 60% meisies is.

’n Vervolgingsontleder by World Watch Research verduidelik: “Die Jamestown-bevindings is beswaarlik nuus vir langtermyn-landwaarnemers. Nietemin, die feit dat daar voortdurende gevegte oor 12 provinsies heen en dat 178 uit 407 provinsies óf ten volle onder Taliban-beheer is (59) óf betwis word (119), wys net hoe oorloggeteisterd die land is. Die UNICEF-verslag toon dat die buiteskoolkoers vir die eerste keer sedert 2002 toegeneem het. Daar is meer redes hiervoor as net die opstand, maar laasgenoemde is steeds 'n groot invloed. Die voortdurende opstand in so baie dele van die land raak ook die klein Christelike minderheid en Christenkinders – veral Christenmeisies – het minder toekomstige werksvooruitsigte as ander. Hulle word gedwing om hul geloof versigtig weg te steek, al is hulle gelukkig genoeg om skool te kan bywoon.”

Indië: Bid dat die Here sy mense in Indië sal beskerm en die mag van die RSS Hindoe-radikale sal vernietig.

Soos berig deur UCA News op 31 Mei 2018, is 'n aktiewe lid van die regerende BharatiyaJanta Party (BJP) op 29 Mei 2018 ingesweer as goewerneur van die Christelike meerderheid Mizoram-staat. Die federale regering onder leiding van Eerste Minister Narendra Modi het Kummanam Rajasekharan genomineer terwyl hy het gedien as president van die party se Kerala-staatseenheid.

Hierdie stap het kommer veroorsaak vir Christenleiers wat die regverdigheid van die regering bevraagteken het om 'n ideologies-bevooroordeelde politikus in te plaas in wat veronderstel is om 'n apolitieke rol te wees. Rajasekharan is 'n bekende aktivis wat aan die RashtriyaSwayamsevak Sangh (RSS) behoort, 'n geharde Hindoe-nasionalistiese paramilitêre organisasie wat uit vrywilligers bestaan. 'n Vervolgingsontleder by World Watch Research beskou dit as 'n baie belangrike ontwikkeling: “Mizoram, in Indië se noordooste, is een van die min state met 'n Christelike meerderheid, met 'n 89.6% Christenbevolking volgens World Christian Database. Gevolglik ervaar die staat feitlik geen vervolging van Christene nie.

In die 2013-verkiesing in Mizoram het die BJP glad geen setels gewen nie. Die volgende verkiesings vir die staatsvergadering sal egter in November 2018 plaasvind en die aanstelling van 'n Hindoe-hardlyner as goewerneur sal byna seker lei tot toenemende vlakke van radikale Hindoe-aktiwiteit, veral namate die November-verkiesingsdatum nader kom. Vir Christene is die aanstelling van goewerneur Rajasekharan 'n waarskuwing dat selfs in state met duidelik Christelike meerderheid hulle nie veilig is nie.

Pakistan: Bid dat God die invloed van Islamitiese groepe sal erodeer

Die parlementêre verkiesings in Julie 2018 sal heel waarskynlik lei tot 'n versterking van Islamitiese groepe , volgens 'n kommentaar deur The Diplomat op 24 Mei 2018.

'n Vervolgingsontleder by World Watch Research verduidelik: “'n Versterking van Islamitiese groepe beteken nie noodwendig 'n versterking van Islamitiese politieke partye nie. Inteendeel, hierdie partye het gewoonlik sleg gevaar in verkiesings. Wat dit wel beteken, is dat, watter party ook al die Julie-verkiesing wen, hy sal moet vrede maak met die groeiende invloed van Islamitiese groepe in die samelewing. ’n Voorbeeld van hierdie invloed was die effektiewe blokkering van die hoofstad in November 2017 (sien: Reuters, 25 November 2017), toe betogers van die Islamitiese Tehreek-e-Labaik Party die streng implementering van godslasteringswette geëis het.”

“Die situasie ná die verkiesing is dus waarskynlik een van meer wisselvalligheid en onvoorspelbaarheid in 'n reeds onstabiele streek van die wêreld. Daar is egter ’n tweede ontwikkeling om op te let, wat deur die hoofkoerant Dawn op 28 Mei 2018 berig is: Die proporsie minderheidkiesers groei vinnig in vergelyking met die proporsie Moslem-kiesers. Hindoes maak die grootste groep uit, maar proporsioneel het die aantal kiesers uit die Christelike gemeenskap (wat die tweede grootste minderheidsgroep uitmaak) selfs vinniger gegroei – met byna een derde – tot 1,64 miljoen. Daar moet egter in gedagte gehou word dat hierdie groei in getalle nie ooreenstem met 'n eweneens groeiende politieke verteenwoordiging nie. Die getalle wys slegs geregistreerde kiesers.”

(Verskaf deur 'n naamlose bron)