Broers en Susters in die Here Jesus Christus, 2017 is 'n baie spesiale jaar op God se kalender, veral vir Israel:

• 120 jaar vanaf die Eerste Sionistiese Wêreldkongres
• 100 jaar vanaf die Balfour-verklaring
• 70 jaar vanaf die VN-resolusie 181
• 50 jaar vanaf die Sesdaagse oorlog en eenwording van Jerusalem

Baie messiaanse leiers in Israel is deur die Heilige Gees oortuig dat dit die jaar is om Messias, die Koning van Glorie in Jerusalem te aanbid en te verwelkom by 'n spesiale byeenkoms op 9-13 Oktober in Jerusalem saam met broers en susters in Christus van alle kontinente en nasies.

Dit is die eerste keer dat die Messiaanse Liggaam van Christus 'n uitnodiging soos hierdie aan die kerk rig vanuit die nasies. Ons glo dit is van profetiese betekenis en moedig daarom alle broers en susters in die Here Jesus Christus en hul vriende aan om hierdie Oktober by ons in Jerusalem aan te sluit.

Vir meer besonderhede, sien asseblief die uitnodigingsbrief van Messiaanse leiers wat volg, en besoek asseblief die www.wtkog.com webwerf.

Sien uit daarna om julle 9-13 Oktober in Jerusalem te sien, en versprei asseblief ook hierdie uitnodiging binne julle kerke en netwerke.

In Christus

Ioan Peia (Roemenië)
Berthold Becker (Duitsland)

9-13 Oktober 2017 - Ramat Rachel-oord, Jerusalem, Israel
Die heilige Konvokasie in Jerusalem om die Koning van Glorie te verwelkom!

Liewe Familie van God uit die nasies!

Shalom van Jerusalem, die Stad van die Groot Koning!

Tweeduisend jaar gelede het ons Here en Messias, Yeshua, sy dissipels beveel om die Evangelie van Jerusalem na Judea, Samaria en tot by die uithoeke van die aarde te neem (Hand 1:8; Matteus 28:18-20). Seshonderd jaar tevore het die profeet Jesaja gesien dat die heerlikheid van God selfs tot by die eilande sou strek vanaf die opkoms van die son (oos), en ook tot aan die “uithoeke van die aarde” (Jesaja 24:15, 41:5) , 42:10).

In ons geslag word hierdie profesieë van die Groot Opdrag vervul. Die Evangelie het tot by die verre eilande van die Stille Oseaan bereik, presies aan die ander kant van die aardbol vanaf Jerusalem. En nou, mense van elke stam, taal en nasie, begeer om die Goeie Nuus en die Heerlikheid terug te bring na Jerusalem – alles ter voorbereiding van Sy heerlike wederkoms!

Ons is 'n groep Israeliese, Messiaanse leiers wat saamgekom het om "die Koning van Glorie te verwelkom." Koning Dawid was die eerste wat die Koning van Glorie verwelkom het toe hy die Verbondsark in Jerusalem ingebring het. Hy het dit sowel as 'n individuele aanbidder gedoen, maar ook namens sy volk, Israel.

Om baie redes glo ons dat hierdie jaar van 2017 profeties betekenisvol is. Saam met 'n oorblyfsel van gelowiges uit baie stamme, tale en nasies, begeer ons om die Koning van Glorie weer in Jerusalem te verwelkom. Ons glo ons is op die punt van 'n nuwe seisoen van Sy heerlikheid wat in Sy Liggaam wêreldwyd woon - volgens Jesaja 60. Ons glo ook dat dit 'n nuwe seisoen van God se teenwoordigheid onder Sy volk in Israel sal wees, en die begin van 'n seisoen van die vervulling van baie Eindtye se gebeure. (Ons verklaar nie noodwendig hierdie seisoen as die tyd van Sy Wederkoms nie!)

Ons wil jou, jou familie, jou stamme en nasies uitnooi om Jerusalem toe te kom vir hierdie spesiale byeenkoms tydens Sukkot 2017.

Meer inligting en om te registreer: www.wtkog.com