Die NUWE jaarlikse Hindoe Wêreld Gebedsfokus roep Christene en kerke wêreldwyd op om 15 dae van 8-22 Oktober te neem om te leer oor en vir ons wêreld se meer as een miljard Hindoe-vriende te bid. Daardie tydperk sluit ook die betekenisvolle Hindoe-ligfees (Diwali) in. Die insiggewende gebedsgidsboekies sal Christene help om te weet hoe om te bid vir die mense wat in hierdie groot en baie diverse wêreldgodsdiens grootword.

Diwali (of Deepawali) staan bekend as die Fees van Ligte, en is een van die belangrikste jaarlikse vieringe vir Hindoes, wat ongeveer 4-5 dae duur. Terwyl dit (soortgelyk aan Kersfeesvieringe in die Christelike wêreld) historiese en godsdienstige wortels het, vier Hindoes dit deur rye klein olielampies aan te steek en te vertoon, aan familiebyeenkomste deel te neem, spesiale lekkers te eet en na vuurwerke te kyk.

Dit is nie ons bedoeling met hierdie gebedsfokus om Indië of die Hindoe-godsdiens op enige manier te minag nie. Ons erken dat albei veels te kompleks en te vol groot tradisies is om eenvoudig of maklik binne 'n blote boekie saam te vat, te verduidelik of ligtelik op te neem.

Terselfdertyd verlang ons as Christene daarna dat al die wêreld se mense 'n geleentheid sal hê om die genade van God wat in Jesus Christus geïnkarneer is, vrylik te sien, te hoor en te verstaan. Vir hierdie doel lig ons onsself in, bid vir en wil ons geleenthede ondersteun om daardie genade ook binne die wêreld se Indiese en Hindoe-gemeenskappe bekend te maak.

Sal jy nie by ons aansluit nie? Vir meer inligting en 'n kort inleidende video www.pray15days.org Reeds in 'n groeiende aantal tale/nasies, as jy nie joune sien nie, hoekom bied jy nie aan om in joune te vertaal en/of te versprei nie? E-pos+ Hierdie e-posadres word van Spambotte beskerm. Jy moet JavaScript ontsper om dit te lees.