Rusland: 24 000 deur vloede geraak
Russiese amptenare het versuim om voldoende waarskuwings te gee voordat kitsvloede minstens 171 mense in die suidelike Krasnodar-streek doodgemaak het. Rekordstortreën is vir die vloede geblameer. Die dorp Krymsk is verwoes en die distriksbaas is afgedank. Sewentien mense word steeds vermis, 210 mense is in die hospitaal insluitend 48 kinders. Plaaslike amptenare sê vloedwaarskuwings is gegee, maar baie mense het toe geslaap en dit nie gehoor nie. TV-foto's wys duisende huise wat byna heeltemal onder water was, met mense wat op hul dakke geskarrel het om die stygende waters te ontsnap. Honderde mense is in tydelike verblyf. Meer as 24 000 mense is deur die vloede geraak en meer as 5 000 huise is oorstroom. Russiese koerante (wat gewoonlik as pro-regering beskou word) was skerp in hul kritiek op gesag en het gesê, 'die tragedie van Krymsk is 'n perfekte demonstrasie van waartoe slorigheid en hoop teen hoop kan lei'.
Bid: vir die bedroefdes, die haweloses en diegene wat probeer skoonmaak na die ramp om die vertroostingsondersteuning en bystand te ontvang wat in hierdie tyd nodig is. (Ps.25:6)