Werkloosheid in die eurosone het in Oktober 'n rekordhoogtepunt bereik, met meer as 170 000 ekstra werksgeleenthede verlore en jeugdige werkloosheid by byna 24 persent, soos die ekonomie in 'n resessie verval het. In die geheel het die eurosone 'n werkloosheidsyfer van 11,7 persent in Oktober gehad, vanaf 11,6 persent in September, met die getalle sonder werk wat gestyg het tot 18,7 miljoen vanaf 18,49 miljoen, het die Eurostat-dataagentskap gesê. Jaar-tot-jaar syfers van die agentskap het 'n besonder somber prentjie vir jonger as 25-jariges getoon, met byna een uit elke vier sonder werk in beide die 17-lande eurosone en 27-lande Europese Unie - teenoor een uit elke vyf 'n jaar vroeër. In vergelyking met Oktober 2011 was 'n ekstra 279 000 jongmense sonder werk in die EU, en 350 000 in die eurosone in Oktober vanjaar. Die jeugwerkloosheidsyfer het gestyg tot 23,9 persent in die eurosone en tot 23,4 persent in die EU vergeleke met 21,2 persent en 21,9 persent onderskeidelik 'n jaar tevore, het Eurostat gesê.

Bid: dat die owerhede regoor die eurosone 'n oplossing vir die werkloosheidsprobleem sal kan vind.

Meer: http://www.aljazeera.com/news/europe/2012/11/20121130121846588948.html