Die Raad van Europa se waghond teen mensehandel het lande regoor die vasteland aangemoedig om die stryd teen mensehandel op te skerp. Die verslag deur GRETA (Groep van kundiges oor optrede teen mensehandel) sê dat mensehandel 'n 'Europese tragedie' is. Die jaarverslag beweer dat vroue, mans en kinders slagoffers word van seksuele misbruik, arbeidsuitbuiting of tot kriminaliteit gedwing word in lande regoor die vasteland. Thorbjørn Jagland, sekretaris-generaal van die Raad van Europa, het gesê: 'Baie slagoffers word steeds nie behoorlik erken of die ondersteuning gegee wat hulle nodig het nie. Verder beteken probleme met ondersoeke en vervolging dat handelaars nie genoegsaam vir hul misdade gestraf word nie. Internasionale organisasies, nasionale owerhede en nie-regeringsliggame moet saamwerk om 'n einde te maak aan hierdie skokkende menseregtevergrype, wat geen plek in die 21ste eeuse Europa het nie,' het hy gesê.
Bid: dat die tragedie van mensehandel erken sal word en dat regerings die uitdaging sal aanvaar om oortreders te vervolg. (Jes.61:8)