Christene is Europa se 'reservoir' van waardes
Die vise-president van die Italiaanse Parlement se Kamer van Afgevaardigdes het 'n beroep op Christelike politici gedoen om 'opofferings te maak' en hul gewete meer as hul posisie te waardeer. In 'n onderhoud met die Catholic News Agency wat verlede Donderdag gepubliseer is, het professor Rocco Buttiglione, 'n lid van die Vatikaan se Pouslike Akademie van Wetenskappe, gesê dat Christenmense die politiek moet betree om 'n aktiewe rol te speel om 'die toekoms van die land' te vorm. Ek dink die groot reservoir van waardes vandag is in die Christenmense en ons moet vir hulle sê, jy moet politiek maak, jy moet politiek betree, jy moet met jou hande die toekoms van die land maak,' het die politikus en akademikus gesê. Soos voorheen deur LifeSiteNews berig, het Buttiglione in 2004 die fokus van kontroversie geword nadat kritici sy aanstelling by die Europese Unie-kommissie geblokkeer het vir sy stellings dat homoseksuele dade moreel verkeerd is.
Bid: dat God se mense die uitdaging en opofferingsposisie sal aanvaar en hulle gewete sal waardeer.(2Pet.3:17)