Nadat die 19-jarige Coco Gauff op 9 September haar eerste Grand Slam-titel by die vrouetenniskampioenskap in die Amerikaanse Ope gewen het, het sy op haar knieë neergesak, haar elmboë op die bank gesit, haar hande vasgeklem en dit na haar voorkop gebring met haar oë toe in gebed. Gauff het in 'n onderhoud met NBC gesê: 'Ek het net dankie gesê en ek het verstaan dat al die moeilike tye net was om daardie oomblik nog soeter te maak. Ek dink as dit maklik sou wees, sou ek nie so dankbaar gevoel het soos op daardie oomblik nie.' Gauff was nog altyd oop oor haar Christelike geloof. Na haar oorwinning in die Cincinnati Meesters in Augustus, het sy haar 'Here en Verlosser Jesus Christus' by die trofee-seremonie bedank. Die mans-enkelspelkampioen in die Amerikaanse Ope, Serwiër Novak Djokovic, is 'n Ortodokse Christen wat dikwels 'n houtkruis om sy nek dra en gesien is hoe hy homself tydens wedstryde seën.