Terwyl Kyung-ja in en uit sy bewussyn gedryf het, haar kop bebloed deur herhaalde houe van 'n knuppel, het sy haar Noord-Koreaanse wag woorde hoor skree wat sy nog nooit vantevore gehoor het nie – Bybel, God, Jesus. Sy kon nie verstaan hoekom die wag aanhou uitvra oor hulle en haar dan geslaan het wanneer sy nie of kon antwoord nie. Twee maande later is sy na 'n arbeidskamp oorgeplaas, waar sy 'n medegevangene gevra het: 'Wat is God? Wat is 'n Bybel?' Die gevangene het vir haar gesê daar is 'n God, maar dat hulle dit nie kan bespreek nie, want dit is te gevaarlik. Maande later, terwyl sy oor die telefoon met haar dogter in Suid-Korea gepraat het, het Kyung-ja uiteindelik antwoorde op haar vrae gekry. Kort daarna het sy haar geloof in Christus geplaas, en vandag leef en dien sy Hom in Suid-Korea. Noord-Koreane sal nie deur politiek of missiele verander word nie. Hulle sal verander word deur die evangelie van Jesus Christus.