Christene in Israel is verheug om te rapporteer dat 'n ooreenkoms tussen die Israeliese regering en Christelike skole bereik is wat die skole in staat gestel het om hul staking op 28 September te beëindig. Ons het verlede week gebed versoek namens Christene in Israel wat bekommerd is oor die voortbestaan van Christelike skole in die land nadat onderhandelinge met die Israeliese regering oor befondsing vir die skole 'n dooiepunt bereik het. Sondag is 'n ooreenkoms bereik tussen die Sekretariaat van Christelike Skole en die Onderwysbediening; die skole sal onmiddellik 'n eenmalige betaling van 50 miljoen sikkels ontvang, asook nog 7,5 miljoen sikkels om vir 'ontwikkeling te bevorder' gebruik te word. Die sekretariaat het gesê hy beskou die ooreenkoms as 'n voorlopige prestasie en verwelkom die besluit om 'n komitee te stig om die wetlike status van Christelike skole te hersien, wat hulle vertrou tot 'n langtermynoplossing sal lei.