In 'n tweede soortgelyke saak die afgelope dae, het 'n Christelike straatprediker £7 000 plus koste van die Cumbria-polisie gewen as skikking vir 'n eis van onregmatige arrestasie, onwettige tronkstraf en skending van sy menseregte. Die polisie het aanvaar hulle het onwettig opgetree. Mnr. Mcalpine het op 20 April 2010 uit die Bybel in die middestad van Workington gepreek. Sy preek het geen melding van homoseksualiteit bevat nie. Toe hy klaar was, is hy genader deur die polisie se gemeenskapsondersteuningsbeampte, Sam Adams. Al het mnr Mcalpine nog nooit homoseksualiteit genoem nie, het PCSO Adams hom gewaarsku dat hy gearresteer kan word as hy homofobiese opmerkings maak. Mnr Mcalpine het geantwoord dat hy nie homofobies is nie, maar hy preek soms dat homoseksuele gedrag 'n sonde is, want dit is wat die Bybel sê. Polisiebeamptes in uniform is na die toneel ontbied en het mnr Mcalpine verkeerdelik ingelig dat 'dit teen die wet is' om homoseksuele gedrag as 'n sonde te beskryf. (Sien Gebedswaarskuwing 1910)

Prys: dat dit duidelikheid sal bied vir die polisie en almal wat by sulke sake betrokke is en predikers in die toekoms ongehinderd sal laat. (Spr.1:5)

Meer: http://www.christian.org.uk/news/cumbria-police-payout-for-arrest-of-christian/