Op 3 Mei het dodelike onluste tussen die Moslem Meitei-stam en die Christelike Kuki-Zo-stamme in Manipur uitgebreek . Sedertdien is meer as 130 Kuki-Zo gedood en meer as 50 000 verplaas. Noudat die internetverbod opgehef is, het 'n video van 26 sekondes na twee maande verskyn wat wys hoe dosyne mans twee naakte Christenvroue paradeer en aanrand. Elders is 'n Christenvrou se man vermoor deur 'n gepeupel wat toe haar dogter omsingel en seksueel aangerand het. Haar seun is dood toe hy hulle probeer keer het. 'Hoe kan die polisie sê hulle is nie bewus van wat gebeur het toe hulle teenwoordig was terwyl ons aangerand is nie? Die liggame van my man en seun is deur hulle na die regeringslykhuis in Imphal geneem', het sy aan Al-Jazeera gesê. Dit is net twee van die voortdurende gewelddadige aanvalle op Christenvroue en wrede moorde op Christengesinne, met huise wat afgebrand word en gemeenskappe wat geterroriseer word.