Lank gelede het wyse manne in Oos-Arabië ’n ster opgemerk wat helder in die naghemel brand en vertrek om te kyk waarheen dit hulle sou lei. Aan die einde van hulle reis het hulle Jesus gekry en vir hom duur geskenke gegee – waarvan een wierook was. Wierookbome blom vandag nog, veral in die Arabiese skiereiland. In die middel van hierdie streek is 'n stad wat die tuiste is van ses onbereikte mensegroepe - elk met hul eie spesifieke taal of dialek, met unieke gebruike en tradisies, verdeel in stamme en families. So verskillend soos elke groep is, hou hulle sekere dinge in gemeen: hul verenigende geloof in Islam, hul blywende liefde vir kamele en die daaglikse gebruik van wierook. Elke dag na aandgebede word die stad deurspek deur die soet reuk van wierook terwyl gesinne dit in branders verhit en dit deur hul huise dra. Wyse manne uit Arabië het eenkeer vir Jesus wierook aangebied: vandag bied Hy die blywende genesing, reiniging en verlossing wat hulle soek.