'n Christelike agentskap in Israel het gesê: 'Ons sien 'n groot mate van vrees onder kwesbare lede van ons Eritrese gemeenskap,' nadat 'n nuwe wet, bekend as die depositowet, deur die regering geïmplementeer is. Dit trek 20% van die verdienste van Afrika-asielsoekers af, en hul werkgewers moet ook maandelikse betalings maak wat gelykstaande is aan 16% van die persoon se salaris. Hierdie wet het 'n impak op die 40 000 Eritreërs (hoofsaaklik Christene) wat na Israel gevlug het in die hoop om vryheid en veiligheid te vind in 'n land waar hulle sonder vrees kon aanbid. Die fondse - van werknemer en werkgewer - sal deur die Israeliese regering opsy gesit word en aan die individuele asielsoeker vrygestel word wanneer hulle instem om die land permanent te verlaat. Geen Eritreeërs wil terugkeer na die wrede kommunistiese regime wat Christene agtervolg en hulle jare lank in afgryslike omstandighede gevange hou net omdat hulle bymekaargekom het om te bid nie. Eritreërs wat na Uganda of Rwanda probeer gaan het, het soms in die hande van mensehandelaars beland of is deur IS vermoor.