Meer Iranse Christene immigreer na Duitsland as ooit tevore om godsdiensvervolging in hul tuisland te ontsnap. The Guardian berig dat hoewel Oos-Berlyn as een van die mees 'goddelose' plekke in die geskiedenis beskou is, lok die stad nou duisende buitelandse Christene na die gebied. Die Iranse immigrante moet betaal om die land onwettig binne te gaan; sommige betaal tot $30 000 om die reis met 'n vals paspoort te maak. Hulle skep vals name en begin hul lewens oor in nuwe kerke. Een vrou wat in Iran oorbly, het gesê dat sy geteister en mishandel is vir haar geloof. Die vrou is tronk toe gestuur omdat sy 'n Kersboom in haar huis en werkplek opgesit het en meer as 70 houe van haar tronkbewaarders ontvang het. "Ek wil hê Iran moet respek hê vir my perspektief, oor watter godsdiens ek kies," het die vrou, wat net met haar voornaam Afsaneh geïdentifiseer wil word, gesê.