Uganda: 'Kniksiekte' knik kinders
’n Geheimsinnige siekte wat geen genesing het nie, raak toenemende getalle kinders in Noord-Uganda, Soedan en Tanzanië. Dit word na verwys as 'kniksiekte' en het die Wêreldgesondheidsorganisasie verwar. Een van die eerste simptome is dat dit lyk of kinders aan die slaap raak – hul oë sluit en kop hang, al is hulle dalk nie moeg nie. Dit veroorsaak gereeld dat hulle hul bewussyn verloor, dan val hulle en beseer hulself. Kinders wat geraak word, is meestal tussen die ouderdomme van vyf en vyftien. Hulle is meer geneig om jonk te sterf, want nadat hulle hul bewussyn verloor het, het hulle gruwelike ongelukke soos om in kookvure te val of te verdrink. Ander simptome is die verlies van kognitiewe vermoë en belemmerde groei. Sommige kinders word in die steek gelaat deur gemeenskappe wat nie kan bekostig om vir hulle te sorg nie. Kenners is raadop oor wat die degeneratiewe siekte veroorsaak.
Bid: God sal die oorsaak van hierdie siekte openbaar en sy vesting oor die kinders verbreek. (Ps.3:8)