Islamisering neem teen 'n kommerwekkende tempo toe in Tanzanië volgens 'n biskop van die land. Biskop Bernadin Mfumbusa van Kondoa het gewaarsku dat godsdiensvryheid en ander burgerlike vryhede bedreig word deur onverdraagsame radikale Moslem-invloede wat instroom van lande wat aan die Oos-Afrikaanse nasie grens. Die biskop het met Aid to the Church in Need, die Katolieke liefdadigheidsorganisasie vir vervolgde en ander lydende Christene, gesê: 'Ons sien meer en meer rondreisende Moslempredikers van Saoedi-Arabië en Soedan wat hierdie land binnekom, en Moslems stel toenemend politieke eise. ' Hierdie eise sluit in die uitbreiding van die Islamitiese Sharia-wetgewing en die maak van almal daaraan onderworpe – Moslem en nie-Moslem. Biskop Mfumbusa het gesê: 'In onlangse tye was daar 'n konstante vraag om Sharia in te voer in ander dele van Tanzanië wat nie 'n meerderheid Moslems het nie.' Sharia-wetgewing is reeds van krag in Zanzibar, 'n semi-outonome argipel met 'n byna heeltemal Moslem-bevolking, maar dit is nie van toepassing op ander dele van Tanzanië nie.

Bid: teen die groei van radikale Islam en bid dat Christene deur die Heilige Gees bemagtig sal word om met vrymoedigheid oor hul geloof te praat. (Hand.4:13)

Meer: http://www.christiantoday.com/article/islamist.extremism.spreading.in.tanzania/30776.htm