'n Tweeling-selfmoordbomaanval buite 'n kerk in Peshawar in Pakistan het minstens 80 mense doodgemaak, in een van die ergste aanvalle op Christene in die land. Twee bomaanvallers het hulself opgeblaas toe aanbidders uit die stad se historiese All Saints-kerk gekom het nadat hulle Sondagmis bygewoon het, sê die polisie. Familielede van die slagoffers het op die toneel bymekaargekom om te betoog teen die regering se versuim om hulle te beskerm. Militante wat met Pakistanse Taliban verbind word, het gesê hulle het die bomaanval uitgevoer. Die groep, Jandullah, het gesê dit was uit weerwraak vir Amerikaanse hommeltuigaanvalle in Pakistan se stam noordweste. Sondag se tweelingaanvalle het Peshawar se historiese All Saints-kerk geteiken terwyl honderde aanbidders die mis bygewoon het. Getuies het gesê dat hulle twee ontploffings gehoor het, die tweede sterker as die eerste. Meer as 120 mense is in die bomaanvalle gewond. Dit is die jongste in 'n reeks aanvalle op Pakistanse Christene, wat sowat 1,6% van die land se grootliks Moslem-bevolking verteenwoordig.
Bid: teen die boosheid wat die gedagtes beheer van diegene wat hierdie bomaanvalle uitvoer. (Spr.14:32)