Noord-Korea: Militêre vrag op skip waarop beslag gelê is
Panama se president Ricardo Martinelli het gesê sy land het beslag gelê op 'n Noord-Koreaanse vlagskip in die Panamakanaal wat 'onverklaarde gesofistikeerde missieltoerusting' dra. Die 35-man bemanning het die soektog teëgestaan en die kaptein het probeer om homself om die lewe te bring. Die VSA het Panama 'geprys' vir sy optrede en gesê dat dit 'n volledige inspeksie van die skip sterk ondersteun. Die skip het die Stille Oseaan van Kuba oorgesteek sonder dat sy outomatiese opsporingstelsel aangeskakel is - 'n stap wat deur die BBC se sekuriteitskorrespondent Frank Gardner as hoogs verdag beskryf word. Die vermoedelike wapentuig is in twee houers gevind en verdere 'verrassings' is nie uitgesluit nie aangesien die soektog na die skip Woensdag voortgegaan het. Nóg Kuba nóg Noord-Korea het nog kommentaar gelewer oor die voorval. Onder die Verenigde Nasies se sanksies word Noord-Korea verbied van wapenuitvoer en die invoer van alles behalwe handwapens. Noord-Korea het 'n deurlopende missielontwikkelingsprogram.
Bid: dat al Noord-Korea se swartmark-transaksies sal voortgaan om onderskep te word, en dat sanksies die gewenste resultate sal bereik. (Job 34:28-30)