Advokate bevraagteken die streng maatreëls van die Moslem-staat teenoor 'n man wat dit gewaag het om openlik oor Jesus te praat en vir 15 jaar tronk toe gestuur is. Jamaa Ait Bakrim (46) is al byna 5 jaar in Marokko se grootste tronk omdat hy 'n uitgesproke Christen-bekeerling was. Daar word geglo dat die erns van sy vonnis met betrekking tot sy wangedrag was omdat hy aanhoudend oor sy geloof gepraat het. 'n Mede-Marokkaanse Christen het gesê: 'Hy het sy geloof met mense rondom hom gedeel. In Marokko as jy 'n Christen word, hou jy dit vir jouself dan sal niemand jou pla nie.' Hy het bygevoeg dat mense moet begin praat namens Bakrim, wat 'ywer' het vir sy geloof en selfs in die tronk openlik daaroor praat. "Ons Marokkaanse broers en susters ly, en ons neem aan dinge sal reg wees en op een of ander manier later vanself verander. Hulle sal nooit verander as ons dit nie onder internasionale aandag bring nie."
Bid: teen die owerhede en magte wat die geraamde 1 000 Marokkaanse Christenbekeerlinge sou beperk en bevat. (Jes.61:1)