’n Christen van Joodse oorsprong wat al vier keer hier op straat aangeval is weens sy geloof in Christus en polisiebeskerming soek. Yossi Yomtov, 'n inwoner van Jerusalem, het gesê die polisie was traag om haatmisdade teen hom te ondersoek deur jeugdiges wat kippahs dra, lap-skedelkappe wat gewoonlik deur oplettende Jode gedra word. In twee van die aanvalle het 'n jeugdige hom met pepersproei en skokke met skokwapens bestook, het hy gesê. "Hierdie jong man het my vervloek oor my geloof in Christus," het Yomtov aan Compass gesê. "Hy het lelike vloeke gebruik en in hoogs beledigende taal gepraat." Yomtov, wat die sosiale aktivistegroep Lemallah ('Opwaarts') gestig het nadat hy in 1999 vanaf die Verenigde State na Israel verhuis het, het gesê hy is laas op 19 Desember aangeval. By daardie geleentheid het sy groep 'n betoging in die middestad van Jerusalem gehou, het hy gesê , toe 'n man wat anti-Christelike slagspreuke dreunsing en vuil taal gebruik hom genader het en hom begin slaan het. Die polisie het nooit opgedaag nie ten spyte van baie oproepe na die polisiestasie, het hy gesê.

Bid: dat Joodse gelowiges beskerming sal kry teen vervolging deur nie-gelowiges. (Ps.5:11)

Meer: http://www.compassdirect.org/english/country/israel/13055/