Irak en Afghanistan: Sjiïete en Christene geteiken
Irak: 30 het gesterf in motorbomaanvalle teen Shia-Moslems wat Ashura in Bagdad en Hilla gevier het. Die aanvalle volg op geweld teen Christelike winkels en eiendomme in die Koerdistan-streek. Ook in Dahuk is drie winkels en 'n gemeenskapsentrum wat aan Chaldeërs se Christene behoort, afgebrand in 'n veldtog wat 'alles wat in stryd is met Sharia' teiken, deur Islamiete wat Irak wil radikaliseer. Ongelukkig is daar geen 'gematigde beweging' wat die fundamentalistiese drif teen Christene in die noorde kan stuit nie. Die Christelike gemeenskap is 'n maklike teiken in die spel vir die verowering van mag. Afghanistan: 59 het gesterf in bomaanvalle teen Sjiïtiese Moslems. 'n Afghaanse amptenaar het gesê, 'die bomwerper in Kaboel was 'n Pakistani, verbonde aan Pakistan se ekstremistiese Lashkar-i-Jhangvi-groep, wat duisende Pakistanse Sjiïete doodgemaak het.' Die faksie word met Al-Kaïda verbind. Sien http://www.google.com/hostednews/afp/article/ALeqM5iuiDw_85Fc_czcRRDdjV3ooxsrIw?docId=CNG.8d286bd1dbe15a516592439618a32be0.3c1
Bid: te midde van onrus en verskrikking, dat God se voornemens vir die streek sal seëvier. (Mt.6:10)