Met Hindoe-ekstremiste wat voortdurend aanvalle teen die kerk pleeg, bevind Christene in die noordelike streek van Indië hulle in 'n baie vyandige omgewing. Vervolging het ook deur politiek gekom, aangesien sommige state wette teen bekering tot die Christendom geïmplementeer het. Een so 'n wet word ironies genoeg die "Freedom of Religion Bill" genoem. Soortgelyke wetgewing is deur wetgewers in Madhya Pradesh goedgekeur. Die wetsontwerp, wat nou op die goewerneur se handtekening wag, sal dit 'n misdaad maak om sonder die regering se toestemming tot die Christendom te bekeer. Maar pastoor Abraham, wat elke dag met gewone mense in die streek werk, sê dat nie almal vyandig teenoor Christene is nie. “Wanneer jy die verlossing, die genesing, die seëninge van Jesus bring, reageer die gewone mense altyd op die Evangelie,” het hy gesê. "Anders kan ons nie die werk doen nie." Ten spyte van die vervolging en die uitdagings, beweeg God en groei die kerk, het Abraham gesê.

Bid: vir ware vryheid van godsdiens en vir diegene wat wel tot die Christendom wil bekeer. (Joh.10:28)

Meer: http://www.cbn.com/cbnnews/world/2013/September/India-Church-Growing-Stronger-Despite-Hostilities/