In die tradisionele kerkkalender word Allerheiligedag en Allerzieledag in Novembermaand afgesonder om die heiliges en die siele van afgestorwe Christene te onthou. Die moderne Kerk het 3-10 November afgesonder om die vervolgde Kerk te onthou en te bid tydens die internasionale gebedsdae vir die vervolgde Kerk' (IDOP). 3 November is die dag wat afgesonder is in die VK en Ierland, maar individue is vry om 'n ander datum te kies as hulle wil. Gelowiges in Egipte, Eritrea, Indië, Iran, Nigerië, Pakistan en Viëtnam staar geweld, gevangenisstraf en selfs die dood in die gesig weens hul geloof in Jesus Christus. In Noord-Korea vind verborge dade van vervolging plaas. 2013 se fokus sluit Indiese Christene in wat toenemend vervolg word deur militante wat 'n Hindoe-nasie wil hê. Ons kan bid dat baie duisende hierdie jaar saam met die vervolgde Kerk sal staan en bid dat hulle in staat sal wees om vas te staan en om voort te gaan om die verborgenheid van die Evangelie aan hul bure bekend te maak.

Bid: dat God daardie Christene wat op plekke woon waar geloof die meeste kos, sal versterk, bemoedig en beskerm. (Ro.1:16)

Meer: http://www.idop.org/