'n Prokureur van Alexandrië het 'n verslag by die staatsaanklaer ingedien waarin versoek word dat Egipte se Koptiese Christene uitgesluit word van die komitee wat die land se nuwe grondwet vorm. Sherif Gadallah het beweer dat Ortodokse Koptici nie verteenwoordigend is van Egipte se Christenbevolking nie omdat hulle nie Nasara is nie, die sogenaamde 'ware' Christene van Islam se Koran, 'n boek waarin die woord 'Christen' nooit voorkom nie. Aangesien Ortodokse Kopte nie Nasara, of selfs Christene is nie, het Gadallah gesê dat hulle as politeïste gereken kan word, wat Koptici nie verteenwoordigend van Egipte se Christenbevolking sal maak nie. Gadallah het sy verslag geregverdig deur die Koran, wat beweer dat die profete van Allah – Moses, Jesus en Mohammed – almal bloot mense is wat deur God gestuur is om sy boodskap aan die skepping oor te dra. Aangesien Christene glo dat Jesus die goddelike Seun van God is, is hulle politeïstiese ongelowiges en nie die Nasara van die Koran nie; daarom moet Kopte wat ook die goddelikheid van Christus soos uitgedruk in die Drie-eenheid bely, verhinder word om enige sê te hê in Egipte se nuwe grondwet

Bid: teen enige beweging om Koptiese Christene te marginaliseer wat volle verteenwoordiging van alle mense op die grondwetlike komitee sal beperk. (Spr.29:14)

Meer: http://www.worthynews.com/11682-lawyer-wants-copts-removed-from-egyptian-constitutional-committee