Egipte: Oproer impak op Christene
Dit is onduidelik watter impak onlangse betogings op Christene in Egipte sal hê wat kla dat die regering nie genoeg gedoen het om hulle te beskerm nie. In een van die jongste aanvalle het 'n polisieman wat nie aan diens was nie, op 'n trein geklim en van motor tot motor gegaan en diegene wat hy as Christene geïdentifiseer het, geskiet, ten minste een man dood en vier vroue gewond. 'n Christenleier het gesê: 'Ons wonder of Christene sal aanhou om veilig op treine te ry of in die strate te loop, maar ons is bly dat God ons hier geplaas het en ons glo Hy sal hierdie tyd gebruik om baie siele na Hom toe te bring'. Egiptiese Christene bid ook vir gepaste, vinnige geregtigheid vir misdade teen hulle. Verlede Saterdag is 'n man wat verantwoordelik was vir die moord op ses Christene 'n jaar gelede ter dood veroordeel vir eerstegraadse moord 'n 'intimiderende burgers' en daar word gehoop dat die erns van daardie vonnis regters sal aanmoedig om op gepaste wyse geweld teen Christene aan te spreek. Verlede week het Egipte se president gesê, 'stadige geregtigheid' kweek bitterheid.
Bid: dat die bedroefdes, gewondes en getraumatiseerdes God se vertroosting en genesing sal weet en dat die regstelsel gepaste ondersoeke sal toepas. (Mig.6:8)