Drie Christelike gemeenskappe in Azerbeidjan se tweede stad Gyanja is verbied om vir aanbidding bymekaar te kom. Babek Sadykov van Gyanja Polisie het dit heeltemal ontken en aan Forum 18 nuus beweer dat 'niemand verhinder word om te aanbid nie'. Plaaslike mense, wat anoniem wou bly uit vrees vir staatsvergelding, het aan Forum 18 gesê dat een van die gemeenskappe gewaarsku is dat 'as hulle die volgende Sondag of op enige toekomstige datum vir aanbidding bymekaarkom, hulle almal gearresteer sal word'. Twee busse vol gewone polisie en onlustepolisie het later opgedaag om enige godsdienstige aanbidding te voorkom. Protestante het gesê die kerk het reeds teësinnig besluit om nie daardie dag een groot Sondagdiens te hou nie. "Mense is nou baie bang." Intussen is 'n regering-geïnisieerde Wêreldforum oor Interkulturele Dialoog deur president Ilham Aliev vertel dat vryheid van godsdiens, vryheid van gewete ten volle in Azerbeidjan gevestig is.

Bid: dat Star of the East Pinksterkerk, die Nuwe Apostoliese Kerk en 'n Baptiste-gemeente wettig en vrylik in Gyanja sal kan aanbid. (Ps.91:4,5)

Meer: http://www.forum18.org/Archive.php?article_id=1560