Verlede week het jy gebid vir 'wyse kosteberekening en balansering deur energiefirmas, oliereuse en die regering sodat die lewenskoste stabiel bly' , nadat die oliereus Shell winste vier keer hoër as verlede jaar aangekondig het. Hierdie week het BP sy hoogste wins in agt jaar gerapporteer. Die einste energiepryse wat verlammende rekeninge vir verbruikers beteken het, het BP se baas genoop om sy bedryf tans as 'n 'kontantmasjien' te beskryf. ’n Kombinasie van herlewende vraag en geopolitieke spanning beteken dat groothandelgaspryse vyf keer hoër is as voor die pandemie – terwyl oliepryse byna verdubbel het. BP en Shell kan vanjaar £40 miljard se wins maak, genoeg om die energierekeninge van die meerderheid Britse huishoudings te dek, wat die oproepe vir 'n meevallerbelasting hernu. Maar die kanselier vrees dat dit investering in laer-koolstofvorme van energie kan beskadig, want energiereuse se winste, gekoppel soos dit is aan wêreldpryse, is baie wisselvallig.