Sir Ivan Rogers, die Britse verteenwoordiger by die EU, het sonder waarskuwing uit sy pos bedank, ná meningsverskille met Theresa May se span. Sy bedanking laat die premier sonder 'n senior ervare Europese onderhandelaar, slegs weke voordat Brexit-gesprekke moet begin. Een van die land se mees senior afgetrede staatsamptenare, Lord Macpherson, het gesê dat hierdie skielike besluit die regering se 'moedswillige en totale' vernietiging van sy EU-kundigheid beklemtoon. In 'n afskeidsboodskap het sir Ivan, wat gekritiseer is omdat hy pessimisties is oor Brittanje se toekoms buite die EU, 'n beroep op die personeel van Brittanje se sending in Brussel gedoen om 'aan te hou om ongegronde argumente en verwarde denke uit te daag'. Die regering het vinnig opgetree om die krisis te hanteer deur sir Tim Barrow (voormalige ambassadeur in Rusland) as sir Ivan se opvolger aan te stel. Sien: