’n Klop aan die deur en ’n ongerieflike besoek is dikwels ons enigste ontmoetings met Jehovah se Getuies, maar Jesus het hulle innig en onvoorwaardelik lief. Is ons ook lief vir hulle? Al identifiseer hulle hulself as 'Christene', is Getuies vasgevang in baie valse leringe. Hulle ontken byvoorbeeld die Drie-eenheid en die fisiese opstanding van Jesus, en baseer alle leerstellings op die Wagtoringgenootskap en die Nuwe Wêreld-vertaling van die Bybel (nie 'n wetenskaplike of akkurate vertaling nie). Hulle leer dat 144 000 hemel toe sal gaan om die aarde te regeer, en die wat oorbly, sal tot die paradys op aarde opgewek word. Hulle glo dat die ewige lewe gebaseer is op hul moraliteit en getrouheid om van hul oortuigings te getuig. Baie word al hoe meer wakker gemaak vir die Getuies se beheer oor hul lewens en oë word oopgemaak vir leerstellige teenstrydighede. Om die Bybelse Jesus te omhels en die Getuies te verlaat, lei egter tot 'n pynlike vermyding van alle gemeenskap en familie.