Kwesbare kinders vasgevang deur howe
VK se grootste kinderliefdadigheidsorganisasie het nuwe data onthul wat toon dat kinders beskadig word weens groot vertragings in die howe in Engeland en Wallis. ’n Vyf jaar lange patroon van agteruitgang het daartoe gelei dat gesinshowe tot 65 weke neem om te beslis of dit veilig is vir kinders om by hul ouers te bly, sê Barnado's. Kwesbare kinders wag gemiddeld meer as 'n jaar (57 weke) in onstabiele gesinshuise of noodpleegplasings voordat 'n landhof besluit of hulle in sorg geneem sal word, sê die liefdadigheidsorganisasie. In die gesinsverrigtinge (landdros-) hof is die gemiddelde tyd 45 weke. Martin Narey, uitvoerende hoof van Barnardos, het gesê: 'Die howe moet dringend besin oor die skade wat hierdie vertragings aan uiters kwesbare kinders het. 'n Jaar van 'n kind se lewe is 'n buitensporige hoeveelheid tyd vir hulle om vasgevang te wees in desperate limbo, onduidelik oor hul toekoms en baie moontlik in gevaar.
Bid: dat hofprosedures bespoedig word en ook vir die kwesbare kinders wat in die stelsel vasgevang word. (Joh.17:15)