'n Topvoorstander vir Moslem-vroueregte het Barones Cox se wetsontwerp verwelkom, wat ontwerp is om die probleme wat veroorsaak word deur sharia-howe wat in Engeland en Wallis werksaam is, hok te slaan. Cassandra Balchin, medestigter en voorsitter van die Moslem Women's Network-UK, het gesê dat sy in haar werk met Moslemvroue 'anekdotiese bewyse van geslagsdiskriminerende arbitrasie gevind het en dit sluit familiesake in'. Lady Cox se Wetsontwerp op Arbitrasie en Bemiddelingsdienste (Gelykheid) is ontwerp om te keer dat 'n parallelle regstelsel wortel skiet en dit het ook ten doel om gelykheid voor die wet vir vroue te verseker. Cassandra Balchin beweer al geruime tyd dat Moslemvroue in Brittanje aan minder regte in die VK ly as in baie Moslemlande. Sy het ook ander aspekte van die wetsontwerp verwelkom, veral die voorgestelde bepalings om vals eise tot regsjurisdiksie te penaliseer. 'Anders as die arbitrasietribunale het Sharia-rade geen wetlike status nie', het sy gesê. (Sien 26-2011 Insig-artikel

Bid: vir die sukses van hierdie wetsontwerp en dat God se regverdige gesag sal oorheers. (Jes.42:21)

Meer: http://www.christian.org.uk/news/muslim-women%E2%80%99s-advocate-backs-bill-to-tackle-sharia/