’n Groep van 11 mans het meisies so jonk as 13 jaar oud met drank en dwelms gesmee sodat hulle dit vir seks kon gebruik, het ’n hof gehoor. Die misdrywe het glo in en om Rochdale, Groter Manchester, in 2008 en 2009 plaasgevind. Liverpool Crown Court het gehoor hoe die mans, tussen 22 en 59 jaar oud en van Oldham en Rochdale, 'saam opgetree het om die meisies seksueel uit te buit'. Almal ontken sameswering om aan seksuele aktiwiteit deel te neem met 'n kind onder 16. Rachel Smith, wat die saak vir die vervolging geopen het, het gesê: 'Geen kind moet uitgebuit word soos hierdie meisies sê hulle was nie.' Die hof het gehoor dat van die meisies verkrag en fisies aangerand is en sommige is gedwing om seks te hê met 'verskeie mans op 'n dag, 'n paar keer per week'. Mej Smith het gesê die meisies is alkohol, kos en geld gegee in ruil vir seks en daar was tye wat geweld gebruik is. Die hof is meegedeel dat van die beskuldigdes ook betalings geneem het van ander mans aan wie hulle die meisies vir seks verskaf het.

Bid: dat die owerhede en die regstelsel hard sal neerkom op die plegers van hierdie misdaad. (Ps.96:13)

Meer: http://www.bbc.co.uk/news/uk-england-manchester-17117530